Azərbaycan işğal edilmiş ərazilərin azad edilməsi üçün Rusiyanın Ermənistana təzyiq etməsini gözləyir.
Milli.Az xəbər verir ki, bunu "Atlas" Araşdırmalar Mərkəzinin rəhbəri, siyasi ekspert Elxan Şahinoğlu bildirib.
Ekspetin fikrincə, Azərbaycan ordusunun bu günlərdə keçirdiyi genişmiqyaslı hərbi təlimlərinin bir məqsədi də məhz budur:
"Rusiya prezidenti Vladimir Putinin vasitəçiliyi ilə iyunun 20-də Azərbaycan və Ermənistan prezidentləri Sankt-Peterbuqrda görücəşəcəklər. Bundan bir gün əvvəl isə Azərbaycan ordusu genişmiqyaslı hərbi təlimlərə başlayacaq. Təlimlər 6 gün davam edəcək. Əlbəttə, bu təlimlər Azərbaycan Silahlı Qüvvələrinin 2016-cı il üçün hazırlıq planına uyğun həyata keçiriləcək.
Buna baxmayaraq, Sankt-Peterburqda azərbaycanlı və erməni həmkarlarıyla görüşdüyü saatlarda Azərbaycanda keçirilən hərbi təlimləri Putin rəsmi Bakının bu şəkildə üstüörtülü mesajı kimi də oxuya bilər - Dağlıq Qarabağ ətrafındakı rayonları boşaltmaq məqsədilə Ermənistan hakimiyyətinə təzyiq etməsəz, atəşkəs müvəqqəti xarakter daşıyacaq. Biz də istəyirik ki, Putin hərbi təlimlərimizi məhz elə bu cür oxusun".
İlkin İzzət
Milli.Az
