Bakı. 14 iyul. REPORT.AZ/ Bir müddətdir təmir işləri ilə əlaqədar bağlanan Bakının Qara Qarayev prospektinin Rüstəm Rüstəmov küçəsi ilə kəsişməsində (Dakar meydanında) bu gün axşam saatlarından avtonəqliyyat vasitələrinin hərəkəti tam bərpa olunacaq.
"Report" xəbər verir ki, bunu Bakı Nəqliyyat Agentliyinin İctimaiyyətlə əlaqələr şöbəsinin rəhbəri Nuridə Allahyarova bildirib.
Onun sözlərinə görə, bununla da 11, 12, 20, 22, 32, 35, 36, 40, 44, 49, 50, 51, 57, 62, 64, 70, 94, 214 nömrəli marşrut xətləri əvvəlki qaydada işləyəcəklər.