Bakı. 22 oktyabr. REPORT.AZ/ Ukrayna prezidenti Pyotr Poroşenkodan elektrik enerjisi və qaza qənaət məqsədi ilə məktəblərdə yay tətillərinin qış fəslinə keçirilməsi xahiş olunub.
"Report" xəbər verir ki, müvafiq petisiya Ukrayna prezidentinin saytında qeydiyyatdan keçib.
"Qaz və elektrik enerjisinə qənaət etmək üçün məktəblilər və tələbələr üçün tədris ilini yay əvəzinə qış tətili ilə etmək", — deyə petisiyanın mətnində bildirilir.
Petisiya yaradıcıları iddia edirlər ki, bu addım ölkədə qaz və elektrik enerjisinə tələbatın xeyli azalmasına kömək edəcək.