Bilik Fondu sağlamlıq imkanları məhdud gənclərə kitab hədiyyə edib

Bilik Fondu sağlamlıq imkanları məhdud gənclərə kitab hədiyyə edib
20:22 2 Dekabr 2016
92 Ölkə
Ölkə mətbuatı
A- A+


Bakı 2 dekabr. REPORT.AZ/ Üç dekabr – Beynəlxalq Əlilliyi olan Şəxslər günü münasibəti ilə Bilik Fondunun əməkdaşları Ramanada yerləşən 1 saylı Sağlamlıq İmkanları Məhdud Gənclərin Peşə Reabilitasiya Mərkəzinə baş çəkiblər.
Bilik Fondunun İnformasiya təminatı sektorundan "Report"a verilən məlumata görə, mərkəzdə sağlamlıq imkanları məhdud gənclərin elmə, peşə təlimlərinə, yaradıcılıq növlərinə marağı ilə bağlı fikir mübadiləsi aparılıb. 
Bilik Fondu gənclərin istəyinə əsasən, mərkəzdə ödənişsiz xarici dil kurslarının açılmasını, müxtəlif elm, mədəniyyət və incəsənət xadimlərinin, şair və yazıçıların iştirakı ilə görüşlərin keçirilməsini təklif edib. 
Mərkəzin direktoru Rəhilə Həsrətova sağlamlıq imkanları məhdud gənclərin daim dövlətin diqqətində olduqlarını, onların bir sıra peşələrdə böyük uğurlar qazandıqlarını deyib. O vurğulayıb ki, Bilik Fondunun maarifləndirici layihələri belə gənclərin dünyagörüşünün inkişafında böyük rol oynayacaq.
Sonra Azərbaycan Milli Elmlər Akademiyasının Mərkəzi Elmi Kitabxanasının hədiyyə etdiyi 50 adda kitab Reabilitasiya Mərkəzinin kitabxanasına təhvil verilib.  





Xəbərin orijinal ünvanı: https://report.az/elm-ve-tehsil/bilik-fondu-saglamliq-imkanlari-mehdud-genclere-kitab-hediyye-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR