“Ermənistana uçduğu deyilən təyyarənin Azərbaycan
tərəfindən geri qaytarılması İrəvanda ciddi təşvişə səbəb
olub”.
Bu barədə Publika.az-a açıqlamasında Milli
Məclisin Müdafiə, təhlükəsizlik və korrupsiya ilə mübarizə
komitəsinin üzvü Aydın Mirzəzadə Azərbaycanın Rusiyanın L-76
hərbi-nəqliyyat təyyarəsini öz hava məkanına buraxmadığını şərh
edərkən deyib.
A.Mirzəzadə qeyd edib ki, burada söhbət Rusiyadan yox, hava
uçuşları ilə bağlı hansısa beynəlxalq tələblərin pozulmasından
gedir: “Görünür, uçuş haqqında Azərbaycana xəbərdarlıq edilməyib,
yaxud daşınan yük haqqında doğru məlumat verilməyib. Şübhəsiz ki,
bu məlumatın ortaya çıxması Rusiyadakı ermənipərəst dairələrin
işidir. Məqsəd Rusiya-Azərbaycan münasibətlərinin pozulmasıdır.
Lakin ümumilikdə, bu məlumatın ortaya çıxması Azərbaycanın xeyrinə
oldu”.
Komitə üzvü vurğulayıb ki, insident araşdırılarsa, Azərbaycanın
beynəlxalq hüquq normalarını pozmadığı aydın olacaq.
“Bu məlumatın ortaya çıxması Rusiya-Azərbaycan münasibətlərinin
pozulmasına hədəflənsə də, dolayısı ilə bizim xeyrimizə addım
atıldı. Çünki Ermənistana bir daha bəlli oldu ki, Azərbaycan
torpaqlarını işğal edən ölkəyə qarşı beynəlxalq hüququn imkan
verdiyi səviyyədə daim təzyiq göstərəcək. Bu, Ermənistan əhalisində
də ciddi təşvişə səbəb olub”, - deyə o vurğulayıb.
Qeyd edək ki, Azərbaycan Rusiyanın L-76 hərbi-nəqliyyat təyyarəsini
öz hava məkanına buraxmayıb və təyyarəniSoçiyə qayıtmağa məcbur
edib.
Pilotla dispetçerin danışıqları “GalandecZP” bloggerində dərc
edilib. Təyyarə Ermənistan istiqamətində uçurdu. “İrəvana qədər uça
bilmirik. Azərbaycan buraxmır. Uçuş qadağan edilib”, - dispetçer
qeyd edib. Sonra təyyarə ekipajı Soçi aeroportuna qayıtmaq barədə
komanda alıb.
Asif
