x
Loading...

BMT Suriyada hərbi cinayətlərin istintaqı üçün qərargah yaradır

BMT Suriyada hərbi cinayətlərin istintaqı üçün qərargah yaradır
09:37 22 Dekabr 2016
51 Dünya
Ölkə mətbuatı
A- A+
.

Bakı. 22 dekabr. REPORT.AZ/ BMT Baş Assambleyası Suriyada beynəlxalq hüququn ən ciddi pozuntularını, o cümlədən mümkün hərbi cinayətləri və insanlığa qarşı cinayətlərin sənədləşdirilməsinə yardım edəcək xüsusi orqan yaradılmasının lehinə səs verib.
"Report" BMT-nin xəbərlər mərkəzinə istinadən məlumat verir ki, Baş Assambleyanın 105 üzv dövləti qətnamənin lehinə səs verib. Tərkibində Rusiya, Suriya, İran, Çin, Kuba və Venesuelanın da olduğu 15 dövlət isə qətnamənin əleyhinə səs verib. 52 ölkənin nümayəndələri bitərəf qalıblar.
Sənəd BMT-nin himayəsi altında fəaliyyət göstərəcək beynəlxalq müstəqil və qərəzsiz mexanizmə əsaslanır. Bu mexanizm beynəlxalq humanitar hüquq pozuntuları və insan hüquqlarının pozulması barədə məlumatları toplayacaq, ümumiləşdirəcək, qoruyacaq və təhlil edəcək, həmçinin ədalətli və müstəqil cinayət prosedurlarını asanlaşdırmaq və tezləşdirmək üçün sənədlər hazırlayacaq.
Qətnamənin müəllifləri qismində Lixtenşteyn və Qətər nümayəndələri çıxış edib.

Xəbərin orijinal ünvanı: https://report.az/diger-olkeler/bmt-suriyada-herbi-cinayetlerin-istintaqi-ucun-qerargah-yaradir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR