Ölkə kubokunun 1/4 final mərhələsinin cavab matçında “Qəbələ”nin AZAL üzərində 1:0 hesablı qələbə qazandığını bilirsiz. Fanat.az xəbər verir ki, “qırmızı-qaralar”a qələbə gətirən qolu vuran Asif Məmmədov oyun haqda fikirlərini şərəfini qoruduğu klubun saytına açıqlayıb:
“Oyun çox çətin
alındı. Öncədən də ağır qarşılaşma olacağını bildiyimizdən, matça ciddi
hazırlaşmışdıq. İlk oyunda qazandığımız üstünlük minimal olduğundan cavab
görüşü həlledici xarakter daşıyırdı. Buna görə matça hazırlığımız yüksək səviyyədə
idi. Baş məşqçimiz də vacib tapşırıqları vermişdi. 4-cü dəfə qarşılaşdığımız
AZAL bütün oyunlardakı kimi bu dəfə də yaxşı nəticə üçün mübarizə apardı. Amma
çətin də olsa, qələbə qazandıq. İlin son qarşılaşması idi. Belə oyunlar həmişə
ağır alınır. Çünki hər bir komanda fasiləyə yaxşı əhval-ruhiyyə ilə yollanmaq
istəyir və bütün qüvvəsi ilə mübarizə aparır. Sevinirəm ki, qalib gəlib,
ili qələbəylə bitirdik. Düşünürəm ki, daha istəkli olmağımız sayəsində porno seyret qələbə
qazandıq”.
“Qəbələ”nin heyətində 9-cu qolunu vuran Asif
bunun həm qələbə, həm şəxsi mənada önəmini vurğulayıb: “Ötən oyunda çox əlverişli
qol imkanını qaçırmışdım. Bu, özümə də pis təsir etmişdi. Ona görə də indi qol
vurmağım çox yaxşı oldu. Həm özünəinamı artırmaq baxımından, həm də qış fasiləsinə
yüksək əhval-ruhiyyədə yollanmaq üçün bu qol lazım idi. Çalışıb, davamını gətirməliyəm. Ən əsası
isə bu qol komandamıza qələbə qazandırdı”.
Futbolçu görüşdə qaçırılan qol imkanlarından, bu çatışmazlığın son matçlarda qabarmasından da
danışıb: “AZAL-la matçda mənim də, komanda yoldaşlarımın da qaçırdığı
imkanlar da oldu. Son vaxtlar həqiqətən də xeyli sayda qol epizodlarını boşa
veririk. Bütün bunlara baxmayaraq, kifayət qədər məhsuldar çıxış edirik.
Premyer Liqada da ən çox qol vuran komandayıq. Məncə, qol vəziyyətlərindən istifadənin
aşağı düşməsi əsasən son matçlarda daha qabarıq hiss olunur. Hesab edirəm ki,
bu da yorğunluqla bağlıdır. İlin sonudur və nəzərə almaq lazımdır ki, mövsümün
5-6 ayı ərzində 31 oyun keçirmişik. Heç əksər aparıcı futbol ölkələrində rəqəm
belə yüksək deyil. Bu üzdən yorğunluq başadüşüləndir. Baş məşqçimiz də bu
iradı bizə bildirir. Ümid edirəm ki, qış fasiləsində bunun üzərində çalışıb,
çatışmazlığı aradan qaldırarıq”.
2016-cı ildə son matçını keçirən “qırmızı-qaralar”ın yarımmüdafiəçisi başa çatmaqda olan ili dəyərləndirib: “2016-cı il bizim üçün çox gözəl alındı. UEFA Avropa Liqasının qrupunda oynadıq. Daxili yarışlarda – çempionat və kubokda da çıxışımızı uğurla davam etdiririk. Bu üzdən başa çatmaqda olan ili həm özüm, həm komanda üçün uğurlu hesab edirəm. İlin ikinci yarısı bizim ağır və yaxşı alındı. Ağır olması oyun sayının çoxluğu ilə bağlıdır. İnanıram ki, qarşıdakı il də belə uğurlar baxımından daha zəngin olacaq”.
Fanat.az