Müğənni Elnarə Xəlilova və Samira Allahverdi 6 uşaqlı imkansız ailəyə baş çəkib.
Axşam.az xəbər verir ki, ataları tərəfindən tərk edilən ailənin qonağı olan ifaçılar onlara yardım etməyə çalışıblar.
“Öz gözlərimizlə gördük. 18 illik həyat yoldaşı 1 il öncə xanımını və 6 övladını tərk edib. Heç vaxt heç kimi qınamayaq. Qınağımız başımıza gəlməyənə qədər Allah canımızı almaz. Bizim ürəyimiz istədi gəldik, bu ailəni tapdıq və öz gözlərimizlə onların yaşadığı şəraitsiz daxmanı gördük” deyə, E.Xəlilova bildirib.
İfaçı imkanı olanları bu ailəyə baş çəkməyə səsləyib. Müğənni uşaqların sənədsiz olduğunu da öyrənib və ASAN Xidmət Mərkəzinə də müraciət edib.
