"Ermənistanın hazırkı rəhbərliyi, o cümlədən prezident Sarkisyan insanlığa qarşı cinayətlər törətdiyini etiraf edib".
Bu barədə Azərbaycanın ATƏTParlament Assambleyasındakı nümayəndə heyətinin üzvü, millət vəkili Tahir Mirkişili ATƏT PA-nın Siyasi və təhlükəsizlik məsələləri üzrə komitəsinin iclasında çıxışı zamanı deyib. O, kiberterrorizmə qarşı mübarizə mövzusunda məruzə ilə çıxış etmək istədiyini, lakin ermənistanlı deputatın çıxışından sonra fikrini dəyişməli olduğunu söyləyib.
T.Mirkişili bildirib ki, terrorizmi dövlət səviyyəsində
dəstəkləyən ölkənin nümayəndəsinin çıxışı əsassız və məntiqsizdir:
“Yəqin ermənistanlı nümayəndə ölkəsində keçiriləcək seçkilərə görə
Parlament Asambleyasından platforma kimi istifadə etmək istəyib.
Ermənistan digər ölkənin ərazisini işğal edən və beynəlxalq hüququ
pozan ölkədir. Bu işğal nəticəsində bir milyon insan öz evlərini
tərk etməli olub”.
Millət vəkilin sözlərinə görə, beynəlxalq ictimaiyyət Ermənistana
qarşı sanksiyalar tətbiq etməlidir. O qeyd edib ki, Ermənistanın
hazırkı hakimiyyətinin zorakılığı öz kulminasiya nöqtəsinə 613 dinc
sakinin ölümü ilə nəticələnən Xocalı faciəsi zamanı çatıb: "ATƏT
məkanında transmilli təhlükəsizliyi təmin etmək üçün Ermənistan
kimi aqressiv ölkələrin qarşısı alınmalıdır". (apa)
