Qəzzanın cənubundakı Han Yunus şəhərində yerləşən, qızlar üçün nəzərdə tutulmuş Huzaa Şəhidləri adına məktəbdə təhsil alan şagirdlər silah səsləri altında dərs oxumağa çalışırlar.
Metbuat.az-ın məlumatına görə, fələstinli şagirdlər üçün İsrail sərhədinə 700 m məsafədə yerləşən məktəblərinə getmək, orada elm öyrənmək elə də asan deyil.
Şagirdlərdən Emire Kadih İsrail ordusunun səbəb olduğu qorxu hissini belə təsvir edib:
"Hər səhər İsrail əsgərlərinin sərhədi pozacağı, bölgəyə girəcəyi və yaxud da bizə atəş açacağı qorxusu ilə dərsə gedirik. Bəzən məktəbin yanındakı əkin sahələrini talan edirlər. Tez-tez silah və partlama səsləri eşidirik. Stress və narahatçılıq çəkə-çəkə dərslərimizi oxuyuruq.
Dərs vaxtı əsgərlərin hər hərəkətini görə bilirik. Qarşı tərəfdə hər hansısa bir hərəkətlənmə olanda qorxudan bütün diqqətimiz yayınır. Vəziyyət çox ağırdı".