Bakı. Rəşad Süleymanov – APA. Türkiyənin Samsun limanı yaxınlığında saya oturmuş “Gulf Rio” adlı yük gəmisinin heyəti arasında azərbaycanlılar da olub. APA-nın Türkiyənin “Denizhaber” portalına istinadən verdiyi məlumata görə, Ukraynadan Türkiyəyə gələn 89 metr uzunluğundakı yük gəmisi dənizdə fırtına səbəbindən lövbər saldığı ərazidən xeyli sürüklənərək saya oturub.
Liman rəisi Aydın Ünal bildirib ki, gəmidə Litva, Ukrayna, Azərbaycan və Gürcüstandan 10 heyət üzvü olub. Hava şəraiti imkan vermədiyindən onlardan 6 nəfər helikopter vasitəsilə xilas edilib.