Şübhəsiz ki, hər qadın gözəldir! Ancaq bəziləri gözəlliklərini rəsmi qaydada qeydiyyatdan keçirib. Necə? Əlbəttə ki, gözəllik müsabiqələrində qazandığı tacları ilə sayəsində.
Publika.az “Postamagazin”ə istinadən Türkiyənin ən gözəl qadını adını qazanmış məşhurların siyahısını təqdim edirik.
İlk gözəllik müsabiqələrinin qalibləri Feriha Tevfik və Keriman Halis Ece olub.
İllərə meydan oxuyan və hələ də çox gözəl qalan Nəbahat Çehrə karyerasına 1960-ci ildə, 15 yaşında gözəllik yarışmasına qatılaraq başlayıb.
1983-ci ildə Türkiyə Gözəli seçilən Hülya Avşar gənc yaşda evlənib boşandığı üçün tacı əlindən alınıb. Ancaq tacı olmasa da o, Türkiyənin gözəllik qadınlarından biri sayılır.
Məltəm Hakarar 1988-ci ildə 18 yaşında “Türkiyə Gözəli” seçilib. 1989-ci ildə isə o, Moskvada ilk dəfə Kosmos mehmanxanasında keçirilən dünya gözəllik müsabiqədə birincilik qazanaraq 30 min dəyərində göy yaqut və başqa 357 ədəd qiymətli daşlarla bəzədilmiş, ümumi çəkisi isə 3.262 karat olan taca layiq görülüb.
1990-cı ildə Türkiyə Gözəli seçilən Jülide Atəş ölkəsini “Kainat Gözəli” müsabiqəsində uğurla təmsil edib. Jülide Atəş bir çox proqramın aparıcısı olub.
1991-ci ildə Türkiyə Gözəli seçilən Dəfnə Samyeli uzun illər xəbərlər verilişində aparıcılıq edib. Dəfnə Samyelin 45 yaşı olmasına baxmayaraq, bədən ölçüləri və gözəlliyi ilə sanki illərə meydan oxuyur.
Sevilən aktrisa Arzum Onan da karyerasına model kimi başlayıb. O, 1993-cü ildə Türkiyə Gözəli, həmin ilin iyul ayında isə Avropa Gözəli adına layiq görülüb.
1997-ci ilin Türkiyə Gözəli isə Çağla Şikel seçilib. Münsiflər heyətinin qərarı qarşısında Çağla Şikel sevinc göz yaşlarına hakim ola bilməmişdi. Çağla həmkarlarından fərqli olaraq həm modellik, həm aparıcılıq, həm də aktrisalıqla məşğul olur.
Ayşe Xatun Önal 1999-cu ildə Türkiyə Gözəli seçilib. O, hazırda müğənniliklə məşğul olur.
Sadə gözəlliyi ilə görənləri özünə heyran edən Sədəf Ovçu 2001-ci ildə qatıldığı gözəllik yarışmasında Türkiyənin ən gözəl ikinci qadını seçilib.
Azra Akın da 2002-ci ildə təşkil olunan yarışda Türkiyənin ən gözəl qızı seçilməklə kifayətlənməyərək dünya gözəllik yarışmasından da ölkəsini yüksək səviyyədə təmsil edərək birincilik qazanıb. Azra həm modellik edir, həm də filmlərdə çəkilir.
Özge Ulusoy 2003-cü ildə qatıldığı müsabiqədə birinci olmasa da, Türkiyənin ən gözəl ikinci qadını adına layiq görülüb.
Hande Subaşı isə 2005-ci ilin Türkiyə Gözəli olub. Hazırda aktrisalıq edən Hande idel bədən quruluşunu qoruyub saxlayıb.
Gözəlliyi və istedadı ilə qısa zamanda məşhurlaşan Serenay Sarıkaya 2010-ci ildə iştirak etdiyi müsabiqədə qalib olmasa da, ikinci yerə layiq görülüb. Serenay Sarıkaya bir-birinə yaxın olan hər iki peşəni: modellik və aktrisalığı uğurla davam etdirir.
“Kara Sevda” serialında canlandırdığı Asu obrazı sayəsində məşhurlaşan Melisa Aslı Pamuk isə 2011-ci Türkiyə Gözəli seçilib. O da modellik və aktrisalıq fəaliyyətini davam etdirir.
Bu yaxınlard ailə quran Açeliya Samyel Danoğlu serial və filmlərdə rol almağa davam edir. O, 2012 Türkiyə Gözəli seçilib.
Rüveyda Öksüz 2013-cü ilin Türkiyə Gözəli seçilib.
Amina Gülşe 2014-cü ildə Türkiyə Gözəli adına layiq görülüb.
Ecem Çırpan 2015-ci ildə Türkiyə Gözəli adını qazanıb.
2016-cı ilin Türkiyə Gözəli isə Buse İskenderoğlu olub.
Aytən
