Mustafa Dənizlinin komandası Türkiyə Super Liqasına yüksələ bilməyib

Mustafa Dənizlinin komandası Türkiyə Super Liqasına yüksələ bilməyib
10:17 5 İyun 2017
51 İdman
Ölkə mətbuatı
A- A+

Bakı. 5 iyun. REPORT.AZ/ "Xəzər Lənkəran"ın sabiq baş məşqçisi Mustafa Dənizlinin rəhbərlik etdiyi Türkiyənin "Eskişehirspor" klubu Super Liqaya yüksələ bilməyib. "Report"un məlumatına görə, "sarı-qırmızılar" "pley-off" mərhələsinin həlledici qarşılaşmasında "Göztəpə"yə penaltilər seriyasında uduzub.
Qarşılaşmanın əsas vaxtı 1:1 hesablı heç-heçə ilə yekunlaşıb. Əlavə vaxtda tərəflərin heç biri fərqlənmədiyindən, qalib penaltilər seriyasında müəyyənləşib. Bu zaman Yılmaz Vuralın baş məşqçi olduğu komanda daha üstün olub - 3:2. Beləliklə, "Göztəpə" 14 ildən sonra Super Liqaya yüksəlib.
I Liqanın əsas mərhələsində "Eskişehirspor" 56 xalla 3-cü, "Göztəpə" 53 xalla 5-ci yeri tutub. İlk 2 yerin sahibi "Sivasspor"la "Yeni Malatyaspor" Super Liqaya birbaşa vəsiqə əldə edib. Onlar elitada "Rizespor"la "Qaziantepspor"u əvəzləyiblər. "Eskişehirspor", "Boluspor", "Göztəpə" və "Giresunspor" isə 3-cü vəsiqə uğrunda "pley-off" mübarizəsi aparıblar. Bu mərhələnin qalibi "Göztəpə" Super Liqada sonuncu olan "Adanaspor"la yerini dəyişib.
Qeyd edək ki, Türkiyə çempionu "Beşiktaş"la gümüş mükafatçı "Başakşehir" Çempionlar Liqasına, kuboku qazanan "Konyaspor", bürünc mükafatçı "Fənərbağça" və 4-cü yerin sahibi "Qalatasaray" Avropa Liqasına vəsiqə qazanıb.  

Xəbərin orijinal ünvanı: https://report.az/futbol/mustafa-denizlinin-komandasi-turkiye-super-liqasina-yuksele-bilmeyib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR