Bakı. 5 iyun. REPORT.AZ/ Almaniyanın xarici işlər naziri Ziqmar Qabrielin Ankraya bu gün baş tutacaq səfəri zamanı "İncirlik" hərbi hava bazası ətrafındakı vəziyyət müzakirələrin mərkəzində olacaq.
"Report" RİA "Novosti"yə istinadən xəbər verir ki, bu barədə Almaniya Xarici İşlər Nazirliyindən bildiriblər.
Almaniya XİN-in məlumatında qeyd olunub ki, Z.Qabriel ilə türkiyəli həmkarı Mövlud Çavuşoğlu arasında baş tutacaq görüş zamanı həmçinin ikitərəfli əlaqələr və beynəlxalq gündəlikdə dayanan məsələlərin müzakirə olnacağı planlaşdırılır.
