İlham Əliyev bu sözlərlə Ermənistanı diz çökdürdü

"Balaca Zəhranın və nənəsinin öldürülməsi erməni faşizminin təzahürüdür və bu hərbi cinayətə görə Ermənistan öz cavabını aldı".

Bunu Prezident İlham Əliyev Nazirlər Kabinetinin 2017-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında giriş nitqində deyib:

"Dövlətimizin başçısı qeyd edib: "Bizim xarici siyasətimizin əsas məsələsi Ermənistan-Azərbaycan, Dağlıq Qarabağ münaqişəsidir. Əfsuslar olsun ki, bu ilin birinci yarısında bu istiqamətdə - danışıqlar istiqamətində heç bir nəticə əldə edilməyib. Bununla bərabər, hesab edirəm ki, 2017-ci ildə münaqişənin həlli ilə bağlı önəmli hadisələr də baş verib və Azərbaycanın haqlı mövqeyi daha da böyük dəyər qazanıb.

O ki qaldı, danışıqların perspektivlərinə, bir daha demək istəyirəm ki, danışıqlar bərpa edilir, bu, müsbət haldır. İndi əsas vəzifə tezliklə məsələni həll etməkdir ki, Azərbaycanın ərazi bütövlüyü bərpa edilsin. Əminəm ki, belə də olacaq. Azərbaycanın ərazi bütövlüyü heç vaxt danışıqlar mövzusu olmayıb və olmayacaq".

Millət vəkili Fazil Mustafa



"Hesab edirəm ki, bu çıxış xalqın inamını əks etdirən bir çıxışdır. Prezidentin xalqın və ordunun gücünə inamını əks etdirən bir çıxışdır. Çox professional yanaşmadır. Həqiqətən də Azərbaycan ordusu beynəlxalq güclərin Ermənistana hər hansı bir şəkildə dəstəyi olmasa,  problemi həll etmək qüdrətindədir. Lakin bəzi reallıqlar var ki, beynəlxalq güclər Ermənistanın işğalçı siyasətini dəstəkləyir.  Buna baxmayaraq bizim həm diplomatik, həm də hərbi fəaliyyətimiz reallığı dünyaya qəbul etdirmək istiqamətindədir. Prezidentin çıxışı əslində buna yönəlib. Dünya qəbul etməlidir ki, işğalçının nazı ilə oynamaq olmaz. Onlar əvvəl-axır torpaqlarımızdan çəkilməlidirlər. Əks halda müharibədən başqa yol yoxdur. Azərbaycan bu prosesdə sona qədər qətiyyətli mövqeyini davam etdirəcək".  

Millət vəkili, siyasi elmlər doktoru Elman Nəsirov


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR