Futbol üzrə Azərbaycan Premyer Liqasında VI turun daha 2 oyunu keçirilib

Futbol üzrə Azərbaycan Premyer Liqasında VI turun daha 2 oyunu keçirilib
22:07 23 Sentyabr 2017
183 İdman
Ölkə mətbuatı
A- A+

Bakı. 23 sentyabr. REPORT.AZ/ Futbol üzrə Azərbaycan Premyer Liqasında VI turun daha 2 oyunu keçirilib.
"Report"un məlumatına görə, liderliyini geri qaytarmaq istəyən "Zirə" "İnter"lə üz-üzə gəlib.
Görüş 1:1 hesablı heç-heçə ilə yekunlaşıb. Hesabı 21-ci dəqiqədə qonaq komandanın futbolçusu Sertan Taşkın açıb. Lakin 43-cü dəqiqədə Zaur Svanadzenin baş məşqçi olduğu kollektiv İlkin Qırtımovun qırmızı vərəqə alması səbəbindən azlıqda qalıb.
"Zirə" say üstünlüyündən ikinci hissədə yararlanıb. 67-ci dəqiqədə Yovan Krneta bərabərlik qolunu vurub. Bununla da xallarını 14-ə çatdıran baş məşqçi Ayxan Abasovun komandası 2-ci pillədə qalıb. 8 xala malik "İnter" isə 4-cüdür.
Günün ilk oyununda isə "Səbail" "Kəpəz"ə 1:0 hesabı ilə qalib gəllib. Yeganə qolu 60-cı dəqiqədə Elman Taqayev vurub. Beləliklə, xallarını 6-ya çatdıran "Səbail" 6-cı pillədə möhkəmlənib. "Kəpəz" isə 1 xalla sonuncudur.
Qeyd edək ki, turun açılış oyununda "Qarabağ" "Sumqayıt"ı darmadağın edib - 4:1. Son oyun isə sentyabrın 24-də "Qəbələ" ilə "Neftçi" arasında keçiriləcək.
Azərbaycan Premyer Liqası, VI tur
23 sentyabr
17:30. "Səbail” - "Kəpəz” - 1:0
Qol: Elman Taqayev, 60
Hakimlər: Rəhim Həsənov, Zeynal Zeynalov, Cavanşir Yusifov, Rauf Cabbarov
AFFA nümayəndəsi: Məmmədəli Məmmədov
Hakim-inspektor: Fazil Mürşüdov
"Dalğa Arena”
20:00. "Zirə” – "İnter” - 1:1
Qollar: Yovan Krneta, 67 - Sertan Taşkın, 21
Qırmızı vərəqə: İlkin Qırtımov, 43 ("İnter")

Xəbərin orijinal ünvanı: https://report.az/futbol/futbol-uzre-azerbaycan-premyer-liqasinda-vi-turun-daha-2-oyunu-kecirilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR