"Qarabağ"ın futbolçusu Pedro Enrike Çempionlar Liqasının qrup mərhələsinin II turu çərçivəsində İtaliya "Roma"sı ilə oyundan öncə təşkil edilən mətbuat konfransında iştirak edib. Fanat.Az xəbər verir ki, braziliyalı futbolçu ÇL-in qrup mərhələsinin ilk ev oyununda yaxşı nəticə əldə etmək üçün əllərindən gələni edəcəklərini bildirib:
"Qarabağ”ın heyətində belə bir turnirdə çıxış etməkdən böyük qürur hissi duyuram. Bizim üçün çox çətin olacaq. Bu turnirdə çıxış etmək tək mənim yox, bütün komanda üçün fəxr hissidi. İlk ev oyunumuzdu. Bu səbəbdən, əlimizdən gələni edəcəyik ki, yaxşı nəticə qazanaq".
Fanat.Az
