Bakı, 7 aprel, AZƏRTAC
Azərbaycan Voleybol Mərkəzində qadın voleybolçular arasında Super Liqa yarışlarının yarımfinal mərhələsinin ikinci oyunları təşkil olunub.
AZƏRTAC xəbər verir ki, ilk olaraq meydana “Lokomotiv” və “Azəryol” komandaları çıxıblar. Görüş “Azəryol”un 3:0 hesablı qələbəsi ilə yekunlaşıb. İlk oyunda “Lokomotiv” eyni hesabla qalib gəldiyi üçün komandalar arasında üçüncü oyun təşkil olunacaq.
Günün ikinci görüşündə “Azərreyl” və “Rabitə” komandaları üz-üzə gəlib. İlk oyunda olduğu kimi ikinci görüşdə də rəqibinə 3:1 hesabı ilə qalib gələn “Rabitə” klubu Azərbaycan Super Liqası yarışlarının finalına yüksəlib.
