Bakı. 24 noyabr. REPORT.AZ/ Azərbaycanda tütün istehsaçıları xeyriyyəçiliklə məşğul ola biləcəklər.
“Report” xəbər verir ki, bununla bağlı Milli Məclisdə hazırlanan "Tütün məmulatlarının istifadəsinin məhdudlaşdırılması haqqında" qanun layihəsində düzəlişlər edilib.
Belə ki, Milli Məclisdə ikinci oxunuşda qəbul edilən qanun layihəsində “sponsorluq” və “xeyriyyəçilik” anlayışları eynililəşdirilirdi.
Parlamentdə üçüncü oxunuşa hazırlanan qanun layihəsinə bununla bağlı düzəlişlər edilib. Belə ki, tütün şirkətlərinin əvəzsiz xeyriyyəçilik fəaliyyətinə məhdudiyyət qoyulmayacaq.