Bakı. 30 noyabr. REPORT.AZ/ Gələn il Portuqaliyada keçiriləcək "Avroviziya-2018" müsabiqəsinə biletlərin ilk partiyası bir neçə dəqiqə ərzində alınıb.
"Report"un verdiyi xəbərə görə, bu barədə tədbirin saytında qeyd olunub.
Biletlərin satışına noyabrın 30-dan başlanıb. Hətta finalda ayaqüstə dayanmaq üçün nəzərdə tutulmuş yerlərə də biletlər olub.
Növbəti partiya dekabrın 20-də gətiriləcək. Satışların 4 mərhələdə həyata keçirilməsi nəzərdə tutulur.