“Report” xəbər verir ki, bu barədə yerli milli polis idarəsiin nrəhbəri Məhəmməd Fuzi Haruna istinadən "The Straits Times" nəşri məlumat yayıb.
"Məlumatlar təxmini olaraq İP-ünvanları Oman, Niderland və Honkonqda qeydiyyatda olan üç elektron poçt hesabından yayılıb", — deyə polis rəisi bildirib.
Onun sözlərinə görə, hazırda hüquq-mühafizə orqanları bu hesabların sahiblərini müəyyənləşdirməklə məşğuldurlar. Hücumun bir neçə nəfər tərəfindən həyata keçirildiyi və ya kibercinayətkarın təklikdə hərəkət etdiyi hələ ki, məlum deyil.
Şəxsi məlumatların oğurlanması 2014-cü ildə baş verib və Asiyada ən böyük belə cinayət olub. Cinayətkarlar 46,2 milyona yaxın istifadəçinin telefon nömrələri, ev ünvanları və şəxsi sənəd nömrələrini ələ keçiriblər.