İrəvanı silkələyəcək APREL PLANI, Sarkisyandan ŞOK ETİRAFLAR… - GÜNÜN SİYASİ XÜLASƏSİ

Paylaş

“Ermənistan hökumətinin fəaliyyəti və strukturu haqqında” qanun layihəsi işğalçı ölkədə ciddi səs-küyə səbəb olub. Fevralın 1-də hökumətin iclasında bu qanun layihəsi bəyənilib.

Qanun layihəsinə görə, Nazirlər Kabinetinin bir çox iclası bağlı qapılar arxasında keçiriləcək və ictimaiyyətə yalnız lazım bildikləri məlumatları verəcəklər.

Bu məsələ Ermənistan ictimaiyyətində ciddi rezonans yaradıb. İctimai rəyə görə, Serj Sarkisyan ölkədə avtoritarizmdən diktaturaya keçid edir.

Sarkisyanın İrəvanı silkələyəcək APREL PLANI - Ermənilər QORXU İÇİNDƏ

Türkiyə prezidenti Rəcəb Tayyib Ərdoğan Vatikanda Roma papası I Fransisklə görüşüb. 1 saat davam edən görüşdən sonra Türkiyə Prezident Administrasiyasının açıqlama verilib.

Bəyanatda deyilir ki, görüşdə Qüds məsələsi müzakirə edilib və ABŞ-ın Qüdsün İsrailin paytaxtı kimi tanınması bağlı qəbul etdiyi qərarın icra edilməməsinin əhəmiyyəti vurğulanıb. Görüşdə Qüdsün statusunun BMT qətnamələri və beynəlxalq hüquqla müəyyənləşdirilməsinin vacib olduğu qeyd olunub. İslamofobiya ilə birgə mübarizənin zəruri olduğu və dinlərin terrorla əlaqələndirilməsinin səhv olduğu bildirilib.

Qeyd edək ki, Ərdoğanın 59 illik fasilədən sonra Vatikana səfər edən ilk prezident kimi tarixə düşüb.

FETÖ-nün Türkiyədəki çevriliş cəhdini dəstəkləyən Pentaqonun keçmiş rəsmisi Mixael Rubin “Türkiyədəki amerikalılar mümkün sui-qəsd təhlükəsi ilə üz-üzə” adlı sensasiyalı məqalə qələmə alıb.

Ərdoğan hökumətinin əleyhinə çıxan Rubin Türk ordusunun əvvəlki kimi NATO-nun təsir dairəsində qalması üçün hər şeyə əl atmağı dəstəkləyir.

Rubin Türkiyə ordusu üzərində üç şəxsin xüsusi təsirə malik olduğunu yazıb.

Amerikalı casusdan Türk ordusu və “dərin dövlət”lə bağlı SENSASİYALI ÇAĞIRIŞ

Türkiyə rəhbərliyi Suriyaya müdaxilə məsələlərini yenidən nəzərdən keçirməlidir. Bunu jurnalistlərə açıqlamasında İran Xarici İşlər Nazirliyinin rəsmi nümayəndəsi Bəhram Qasimi söyləyib.

Onun sözlərinə görə, İran Suriya məsələsində Rusiya və Türkiyə ilə məsləhətləşmələrini davam etdirir.

ABŞ İraqa göndərdiyi əsgərlərini geri çəkməyə başlayıb. Bu barədə “Associated Press” agentliyi məlumat yayıb.

Agentliyin yazdığına görə, ABŞ adından İraqa muzdlu əsgərlər göndərən xüsusi şirkətlər bu ölkədə İŞİD-lə mübarizənin bitdiyini, İraqdakı şəxsi heyət və silahların Əfqanıstana köçürüldüyünü bildiriblər. Xəbərdə ötən həftə xeyli sayda Amerika əsgərinin İraqdan çıxarıldığı qeyd olunub.

İraq ordusundan iki səlahiyyətli Amerika əsgərlərinin ölkədən çıxarılması barədə anlaşmanın əldə olunduğunu, ancaq prosesin başlanmadığını söyləyiblər.

Əfqanıstanın paytaxtı Kabildə yerləşən Rusiya səfirliyinə terrorçuların hücumunun qarşısı alınıb. Səfirliyə hücum bomba yüklü avtomobillə həyata keçirilməli olsa da, son anda onun qarşısı alınıb. Ələ keçirilən avtomobildən 1 ton partlayıcı aşkarlanıb.

Dağıstanda hökumətinin başçısı vəzifəsini müvəqqəti icra edən Abdusamad Həmidov, eləcə də baş nazirin iki müavini saxlanılıb. Bu gün səhər saatlarında Federal Təhlükəsizlik Xidməti və xüsusi təyinatlılar tərəfindən Abdusamad Həmidovun və onun müavinləri Şamil İsayev və Rayudina Yusufovanın evində əməliyyat axtarış tədbirləri aparılıb və onlar həbs edilib.

Dağıstanın hökümət başçısı və müavinləri saxlanıldı - VİDEO

Kiyev Apelyasiya Məhkəməsi Ukraynanın Odessa vilayətinin keçmiş qubernatoru, Gürcüstanın sabiq prezidenti Mixail Saakaşvilinin Miqrasiya Xidmətinin qərarından etdiyi şikayəti rədd edib.

Xatırladaq ki, 2017-ci ilin noyabr ayında Ukraynanın Miqrasiya Xidməti Mixail Saakaşviliyə əlavə müdafiəyə ehtiyac duyan şəxs statusu verməkdən imtina edib.

Saakaşvili daha sonra Miqrasiya Xidmətinin qərarından birinci instansiya məhkəməsinə şikayət edib. Lakin məhkəmə Saakaşvilinin şikayətini qəbul etməyib və nəticədə, keçmiş qubernator Apelyasiya Məhkəməsinə üz tutub.

Ömər Dağlı