Türkiyənin Kastamonu şəhərində aşan traktorun altında qalan sürücü ölüb.
Metbuat.az Türkiyə KİV-nə istinadən məlumat verir ki, hadisə Taşkörpüyə bağlı Eskiatça qəsəbəsində Kazım Sağır adlı sürücünün idarəsindəki "37 LA 964" nömrəli traktorun nəzarətdən çıxaraq aşması nəticəsində baş verib.
Məlumata görə, sürücü hadisə yerində ölüb.
Polis məsələ ilə bağlı araşdırmaya başlayıb. İstintaq tədbirləri davam edir.
