Marsın səthində çəkilmiş görüntüləri açıqlaya bilməyən elm adamları arasında mübahisə yaranıb.
Metbuat.az xəbər verir ki, Marsda çəkilmiş qəribə görüntülərdə insan bədəninin əksi görünür. Bu görüntülərdən birində hələ də nə olduğu bilinməyən tabut görüntüsü var. NASA-lı elm adamları da bu görüntünün nə olduğunu hələ də həll edə bilməyib.
Ötən həftələrdə Curiosity tərəfindən göndərilən və “Youtube”-a yüklənilən görüntülərdə “Kərpic divar” qalıqları tapıldığı iddia edilib. Görüntülər qısa müddətdə yayılıb və çox sayda şərh alıb. Məşhur “Ufo ovçuları"ndan Skot Uaring də videonu öz şəxsi saytında paylaşıb. Uaring görüntüləri “sadə və mükəmməl” olaraq şərh edib. Amma videonun izləyicilərindən bəziləri orada bir kərpic divar olduğuna inanmayıb.
