Birləşmiş Millətlər Təşkilatında (BMT) Azərbaycana qarşı
Qarabağ təxribatı törədilib.
Publika.az "Azadlıq" radiosunun erməni xidmətinə istinadən
xəbər verir ki, BMT-nin rəsmi saytında Azərbaycanın Ermənistan
tərəfindən işğal edilmiş Dağlıq Qarabağ ərazisində yaradılan
qondarma rejimin “xarici işlər nazirliyinin” memorandumu
dərc olunub.
Memorandumda Azərbaycana qarşı absurd iddialar yer alır, həmçinin,
Qarabağın “öz müqəddəratını təyin etmə” prinsiplərindən bəhs
edilir.
BMT Azərbaycanın ərazi bütövlüyünü tanıyır. BMT Təhlükəsizlik
Şurasının erməni hərbi birləşmələrin Azərbaycan torpaqlarından
qeyd-şərtsiz çıxarılması ilə bağlı 4 qətnaməsi mövcuddur. Bu
qətnamələri indiyə qədər yerinə yetirməyən BMT-nin sonuncu addımı
gözlənilməz olmaqla yanaşı, Azərbaycanın ərazi bütövlüyünə qarşı
böyük təxribatdır.
Asif
