"Qarabağ" klubu hazırda Rusiyada keçirilən DÇ-2018-də çıxış edən Tunis milli komandasının futbolçusu Kərim Laribiyə transfer təklifi göndərib.
Milli.Az report.az-a istinadən bildirir ki, hazırda 27 yaşlı hücumameylli yarımmüdafiəçi ilə danışıqlar aparılır.
Laribi ötən iki mövsümü İtaliya B Seriyasında çıxış edən "Çezena" klubunda keçirib. O, üst-üstə 61 oyunda 8 qol vurub. Futbolçu 2017-ci ildən dəvət aldığı Tunis yığmasının heyətində 2 oyuna çıxıb.
Ötən mövsüm "Çezena" B Seriyasında 13-cü yeri tutub.
Milli.Az
