Strasburq, 24 aprel, AZƏRTAC
Fransanın “Le Teleqramm” qəzetində əlillərin reabilitasiyası sahəsində bu ölkənin Azərbaycan ilə əməkdaşlığından bəhs edən “Azərbaycan nümayəndə heyəti” sərlövhəli məqalə dərc olunub.
Məqalədə bildirilir ki, Azərbaycanın nümayəndə heyəti Fransanın əlillərin reabilitasiyasi sahəsində təcrübəsini öyrənmək məqsədilə bu ölkənin Finister əyalətindəki reabilitasiya mərkəzində olub.
Məqalədə Azərbaycan nümayəndə heyəti üzvlərinin belə təcrübə mübadiləsinin tibbi və sosial islahatların inkişafına kömək edəcəyi, əlillərin qəbulu şərtlərinin daha da yaxşılaşdırılmasına və gənc respublikada insanların sağlamlığına dair aparılan siyasətin inkişaf etdirilməsinə imkan yaradacağı barədə səsləndirdikləri fikirlər yer alıb.
Qeyd edilib ki, Azərbaycan nümayəndə heyətinin növbəti səfəri 2016-cı ildə planlaşdırılır.
Əsgər Əliyev
AZƏRTAC-ın xüsusi müxbiri
Strasburq