Bakı, 24 aprel, AZƏRTAC
“Əli və Nino” filminin çəkilişləri hazırda Türkiyə ərazisində davam edir. Azərbaycanda çəkilişlər Bakı və Bakıətrafı rayonlarda – Qobustanda, Bibiheybətdə, İçərişəhərdə həyata keçirilib. Həmçinin ölkəmizin bölgələrində - Xınalıqda və Gədəbəydə də çəkilişlər aparılıb. Filmin çəkilişi bu ayın sonuna yekunlaşacaq və daha sonra istehsal prosesi davam edəcək.
Çəkiliş heyəti filmin maddi problemlər səbəbindən dayandırılması ilə bağlı Türkiyənin bəzi mətbuat orqanlarında yayılan xəbərlərin şayiə olduğunu və həqiqəti əks etdirmədiyini bildirib.