Dünyanı dəhşətə gətirəcək HƏRBİ SİRR, düşmən 7 CƏBHƏDƏ... – GÜNÜN SİYASİ XÜLASƏSİ

Paylaş

Ermənistanın prezidenti Armen Sarkisyan işğal altındakı Azərbaycan torpaqlarına gəlib. Sarkisyan oktyabrın 14-də işğal altındakı Xankəndində keçirilən “məhsul bayramı”na qatılıb.

Erməni prezident Xankəndi küçələrini gəzib, işğal altındakı Azərbaycan torpaqlarında hazırda yaşayan ermənilərlə görüşüb, həmçinin, yarmarkaya baş çəkib, meyvələrdən yeyib.

Qeyd edək ki, son dövrlər erməni rəhbərliyi tez-tez işğal altındakı Qarabağa gəlir. Onların bu səfəri həm Azərbaycan qanunvericiliyinə, həm də beynəlxalq hüquqa zidd addımlardır.

Ermənistan Prezidenti Armen Sarkisyan Azərbaycanın işğal altında olan Şuşa şəhərinə gəlib. Ermənistan KİV-i məlumat yayıb ki, o, Şuşada seperatçı rejimin başçıları ilə görüşüb və Şuşanı gəzib.

ABŞ prezidenti Donald Tramp avqustun sonunda amerikalı rahib Endrü Bransonun ev həbsi ilə bağlı vəziyyətlə əlaqədar bütün diplomatik personalı Türkiyədən geri çağırmağı planlaşdırırdı. Bu haqda Dövlət Departamenti və Ağ Evdəki mənbələrə istinadən “ABC News” telekanalı bildirib.

“Biz hansısa bir vaxtda Türkiyə ilə münasibətlərdə apokalipsisdən qorxurduq”, - Dövlət Departamentindəki yüksək vəzifəli mənbə bildirib.

Türkiyəyə qarşı QORXUNC PLAN son anda təxirə salındı: ABŞ 60 gün ərzində... – ŞOK DETALLAR

ABŞ Türkiyənin amerikalı rahib Endryu Bransonu azad etməsinin qarşılığında Ankaraya yönəlik bir sıra müsbət addımlar ata bilər. Bu haqda “Milliyyət” nəşrində türkiyəli yazar Özay Şəndir qələmə aldığı “ABŞ-Türkiyə münasibətlərinin gələcəyi” başlıqlı yazısında bildirib.

Onun sözlərinə görə, Ankara rahibin azad olunmasının qarşılığında aşağıdakı "mükafatlar"ı ala bilər:

ABŞ Bransonun qarşılığında ONU verəcək: Türkiyənin alacağı "mükafatlar"ın TAM SİYAHISI

Türkiyə ordusu və Azad Suriya Ordusu (ASO) Münbiçi PKK/PYD terrorçularından təmizləmək üçün hazır vəziyyətdə gözləyir. Bu barədə ASO-nun Münbiç Hərbi Məclisinin rəhbəri Adnan Ebu Faysal deyib.

Onun sözlərinə görə, 20 min döyüşçü terrorçuları məhv etməyə hazırdır.

“PKK-nın yeganə ümidi bölgədəki ABŞ əsgərləri və zirehli texnikasıdır. Münbiçdə 5 min terrorçu var və onlara qarşı yeddi cəbhədən hücuma keçiləcək. Türk ordusu və ASO Münbiçlə başlayacaq təmizlik hərəkatını İraq sərhədinə qədər davam etdirə bilmək gücündədir”, - deyə o vurğulayıb.

Tehran həqiqətən öz davranışını dəyişdirmək istəyirsə, ABŞ prezidenti Donald Tramp əvvəlki kimi İranla danışıqlara hazırdır. Bu haqda ABŞ-ın İran üzrə xüsusi nümayəndəsi Brayan Huk bildirib.

“Prezident problemləri həll etmək istəyir və əgər İran rejimi öz davranışını dəyişdirmək niyyətini ciddi nümayiş etdirərsə, onda prezident problemləri həll etmək üçün diplomatik dialoqa hazırdır”, - brifinqin gedişatında Huk dedi.

Qeyd edək ki, Donald Tramp aprelin 8-i ABŞ-ın İran və 6 beynəlxalq vasitəçi ilə (Rusiya, ABŞ, Britaniya, Çin, Fransa, Almaniya) 2015-ci ildə nüvə probleminin həlli barədə imzalanan sazişdən çıxmasını bəyan edib. ABŞ prezidenti həmçinin İrana qarşı bütün sanksiyaların bərpa olunacağını bildirib.

Çin “seçkilərə müdaxilə” nöqteyi-nəzərindən Rusiyadan daha təhlükəlidir. Bu haqda ABŞ prezidenti Donald Tramp CBS telekanalına müsahibəsində bildirib.

“Rusiya 2016-cı ildə seçkilərə qarışırdı, amma, düşünürəm ki, Çin də həmçinin qarışırdı. Düşünürəm ki, Çin daha böyük problemdir”, - o deyib.

Tramp seçkilərin gedişatında Rusiya ilə sözləşdiyinə dair iddiaları yenidən təkzib edib. Onun sözlərinə görə, seçkilərlə bağlı kömək istəsəydi belə, Rusiya ona kömək edə bilməzdi.

“Rusiyaya zəng vurmaq! Sadəcə gülməlidir", - Tramp bildirib.

Rusiya “S-600” və “S-700” hava hücumuna qarşı müdafiə komplekslərinə malikdir. Bu haqda Rusiyanın Liberal Demokrat Partiyasının lideri, Dövlət Dumasının deputatı Vladimir Jirinovski oktyabrın 11-də “Vladimir Solovyevlə axşam” tok-şousunun efirində bildirib.

Dünyanı dəhşətə gətirəcək HƏRBİ SİRR: Jirinovski canlı yayımda AĞZINDAN QAÇIRTDI – VİDEO

İtaliyada yeni hökumət koalisiyası dövlət borcunun yenidən strukturlaşdırılması məsələsində Almaniya, Fransa və Avropa Komissiyasını sıxmaq niyyətindədir. Bu haqda Avstriyanın “Contra Magazin” qəzeti yazıb.

Nəşr qeyd edir ki, bu, nəticədə Avropa İttifaqının dağılmasına gətirib çıxara bilər. Avstriya nəşrinin müşahidəçisi bildirir ki, Roma faktiki olaraq, Almaniya kansleri Angela Merkel və Avropa İttifaqına müharibə elan edib.

“Contra Magazin”in müşahidəçisi vurğulayır ki, Avropa İttifaqının vəziyyəti olduqca pisdir və baş verən proseslər birləşmənin dağılmasına, yeni ittifaqın yaranmasına gətirib çıxara bilər.

Koreya Xalq Demokratik Respublikasının (KXDR) lideri Kim Çen In 1950-1953-cü illər Koreya müharibəsinin dayandırılması haqqında rəsmi bəyannamə imzalanmadan yoxlamaların keçirilməsi üçün nüvə obyektlərinin siyahısını ABŞ-ın dövlət katibi Mayk Pompeoya verməkdən imtina edib. Bu haqda adsız mənbələrə istinadən Yaponiyanın “Yomiuri” qəzeti bildirib.

Pompeo Pxenyanda ŞOK KEÇİRDİ: Kim Çen...

ABŞ prezidenti Donald Tramp ölkəsinin Ukraynaya hücum silahları çatdırdığını etiraf edərək Donbasda münaqişənin yeni mərhələsinə hazırlığı ağzından qaçırıb. Prezident bu haqda “CBS News” telekanalına müsahibəsində bildirib.

Tramp Rusiya prezidenti Vladimir Putinə qarşı sərt olmadığı barədə iddiaya etiraz edib.

“Məhz mən Ukraynaya hücum silahları, tank əleyhinə sistemləri (“Javelin” tank əleyhinə sistemləri nəzərdə tutur –red.) çatdırdım. Mənim sələfim belə addıma getmədi”, - Amerika lideri deyib.

Daha əvvəl ABŞ və Ukraynada iddia edirdilər ki, Kiyev Qərbdən xüsusi müdafiə xarakterli silahlar alır. Trampın bugünkü bəyanatı isə bu iddianın əksini iddia edən birinci rəsmi bəyanat oldu.

Rusiyanın Liberal Demokrat Partiyasının lideri Vladimir Jirinovski Ukrayna Zaporojye vilayətinin sərhədlərinə qaytarmaqla hədələyib. Siyasətçi bu haqda Konstantinopol Patriarxlığının 1686-cı ildə verdiyi Moskva Patriarxlığının Ukraynaya mitropolit təyin etməsi haqqında qərarını ləğv etməsini şərh edərkən deyib.

“Rusiya Avropanın ən qədim dövlətlərindən biridir. Tarixlə oyunlar pisdir. Biz cavab olaraq Aleksey Mixayloviçin 1654-cü ildə Zaporojye kazaklarının rəhbəri Boqdan Xmelnitskinin xahişi ilə Rusiya təbəliyini qəbul etmə haqqında qərarını ləğv edə bilərik. Bu halda, Ukrayna Zaporojye kazaklarının məskən saldığı ərazilərin sərhədlərinə qayıtmalı olacaq. Bütün qalan ərazi Ukraynaya Rusiyanın tərkibində olduğu vaxt birləşdirilib və quberniyaların toplusunu təşkil edirdi və ümumiyyətlə, hətta Ukrayna adlanmırdı. Bu ərazilər Rusiyaya birləşməlidir”, - Jirinovski yekunlaşdırıb.

Ömər Dağlı