Taylandda təşkil olunan “Phuket Vegeteriyan” festivalında qeyri-adi görüntülər ortaya çıxıb.
Metbuat.az Türkiyə mediasına istinadla bildirir ki, festivalda ət yemək, içki içmək və qumar oynamaq qadağandır. Tam 9 gün bu qadağalara riayət edən iştirakçılar tanrılara və adət-ənənələrə bağlılıqlarını sübut etmiş olurlar.
Festival iştirakçıları yanaqlarına iynələr, dəmir çubuqlar, bıçaqlar və qılınclar keçirirlər. İştirakçılar bu qeyri-adi rituallar ilə ruhən və fiziki cəhətdən sağlam olmağı ümid edirlər.