“Ermənistanda növbədənkənar parlament seçkiləri təhdid
və nifrət atmosferində, eləcə də birbaşa dövlət başçısının şəxsi
təzyiqi fonunda keçirildi”.
Publika.az xəbər verir ki, bu barədə Respublika
Partiyasının sözçüsü, Ermənistan parlamentinin vitse-spikeri Eduard
Şarmazanov deyib.
Şarmazanov qeyd edib ki, seçkilər tamamilə qeyri-demokratik keçdi:
“Seçkinin nəticələrini tanıyıb-tanımamaqla bağlı partiya olaraq
bəyanat yayacağıq. Lakin bu seçkilər Respublika Partiyasını
ruhlandırdı. Aydın oldu ki, Nikol Paşinyanın bütün addımları,
partiyamız haqqında bütün nekroloqları boş fikirlərdir. Ümumi
təzyiq və təhdidlərə baxmayaraq, 60 min vətəndaş Paşinyana yox
dedi. 9 dekabr Respublika Partiyasının dirçəliş günüdür. İllər
sonra 60 min vətəndaş 600 min vətəndaş olacaq”.
Qeyd edək ki, dünən keçirilən seçkilərdə Respublika Partiyası
parlamentə düşə bilməyib.
Asif