Fransanın aparıcı televiziya kanallarından olan "France 3" "sarı jiletlilər"in sonuncu - 5-ci etiraz aksiyası zamanı yayımladığı videogörüntülərdə təhrifə yol verməkdə günahlandırılır.
Milli.Az "report"-a istinadən bildirir ki, telekanal şənbə günü Parisin "Opera" meydanında "sarı jiletlilər"in etiraz aksiyası zamanı nümayişçilərin əllərində tutduqları plakatın şüarını qəsdən təhrif etməkdə ittiham olunur. Belə ki, plakatda yazılan "Makron rədd ol!" şuarındakı "rədd ol" tələbi ekrandan silinərək, yalnız "Makron" sözü göstərilib.
Telekanal özünün "Twitter" hesabında texniki problemin baş verdiyini, həmin sözün plakatdan qəsdən silinmədiyini yazıb.
Milli.Az
