Barbara və Patrika Grimes bacılar 28 dekabr 1956-cı ildə film izləmək üçün Çikaqoya gediblər.
Metbuat.az xarici mediaya istinadla bildirir ki, 15 və 12 yaşlı bacılar daha əvvəl 10 dəfə izlədikləri "Love me Tender" filminin izləyəcəklərdi.
Evə 23:45-də qayıdacaq olan bacılar gecə yarısını keçməsinə baxmayaraq geri dönməyiblər.
Bu vəziyyətdən narahat olan anaları polisə xəbər verib. Polis 25 gün müddətində qızları müxtəlif yerlərdə axtarıb. Daha sonra qızların anasına göndərilən məktubda onların sərbəst buraxılması üçün kilsəyə pul qoyulması tələb olunub. Polislərlə birlikdə kilsəyə gedən ana orada heç kimin olmadığını görüb. Daha sonra məktubu yazan şəxsin ağıl xəstəsi olduğu məlum olub.
Qızların donmuş və çıpaq cəsədləri 22 yanvar 1957-ci ildə bir tikinti işçisi tərəfindən Çikaqonun cənub-qərbində bir küçədə tapılıb. Qızların necə öldürüldüyünə dair heç bir dəlil tapılmayıb. Onların bədənlərində hər hansı bir zərbə, boğulma izi, silah və ya bıçaq yarası olmayıb. Qızların çılpaq halda olması onların təbii yolla ölməsi ehtimalını ortadan qaldırıb.
Bacıların anası polisə yalvararaq bu cinayətin necə törədildiyinin tapılmasını tələb edib. Amma qızların ölümləri ilə bağlı heç bir dəlil tapılmayıb.
