"Qalatasaray" Frank Riberini yenidən heyətə gətirə bilər.Milli.Az goal.az-a istinadən xəbər verir ki, Türkiyə klubu 35 yaşlı fransalıya 1,5 illik müqavilə təklif edib. Lakin transfer baş tutmaya bilər. Bunun üçün Riberi "Bavariya"dan vaxtından əvvəl ayrılmalıdır. Müqaviləsi 2019-un yayında başa çatır. Müddət başa çatandan sonra azad agent kimi "Qalatasaray"a keçə bilər.Xatırladaq ki, Riberi İstanbul klubunda 2005-ci ildə çıxış edib. 17 oyunda meydana çıxıb və bir qol vurub. Bir müddət "Marsel"də forma getyinib. 2007-də isə 30 milyon avro müqabilində "Bavariya"ya transfer olunub. Bu mövsüm Almaniya çempionatında 14 oyunda meydana çıxıb, aktivinə 4 qol yazdırıb.Milli.Az