"Ölüm yerin üstünü yerin altına dəyişməkdir" - 1 daşla 9 quş

Layihədə 9 fəlsəfi suala 1 cümləlik cavablar veriləcək.

Bu dəfə müsahibimiz Faktor.az saytının baş redaktoru Əziz Əlibəylidir.

- Niyə varsan?

- Bu yaşda cavab verdiyim üçün deyirəm ki, ömrümü fəda edəcəyim çox şey var…

- Niyə yox olacaqsan?

- Gücüm tükənəcək.

- Niyə yazırsan?

- Əvvəl ehtiyac vardı, indi zərurət.

- Yaşamaq nədir?

- Sırf fel kimi düşünməmişəm, amma ikinci və əsas hesab etdiyim mənası sevməkdir.

- Ölüm nədir?

- Bioloji olaraq yerin üstünü altına dəyişmək.

- Ədalət nədir?

- Hamının yerini bilməsi.

- Azadlıq nədir?

- Düşünmə və ifadə etmənin sonsuzluq dənizində üzə bilməsidir.

- Yaradıcılıq nədir?

- Fərəhləndirən məhfum.

- İnsan kimdir?

-Adamlığın özü.

Tural İsmayılov/Metbuat.az