Metbuat.az da “1 daşla 9 quş” layihəsi davam edir.
Layihədə 9 fəlsəfi suala 1 cümləlik cavablar veriləcək.
Bu dəfə müsahibimiz tanınmış jurnalist Günay Ardadır.
***
- Niyə varsan?
- Doğulmaq, var olmaq özü bir şansdır.
- Niyə yox olacaqsan?
- Kimsə yox olmur. Hamıdan nəsə iz qalır.
- Niyə yazırsan?
- Həyatımın bir hissəsidir.
- Yaşamaq nədir?
- Yaşamaq-hamıya verilən şansdır. Necə yaşamaq isə bacarıqdır,incəsənətdir.
- Ölüm nədir?
- Ölüm, fiziki olaraq insan üçün zamanın dayanmasıdır. Heç vaxt ölməyən insanlar var.
- Ədalət nədir?
- Ədalət-haqqı olanı haqlıya verməkdir. Başqalarının haqqını tanımaqdır.
- Azadlıq nədir?
- Azadlıq-istəmədiyini etməməkdir.
- Yaradıcılıq nədir?
- Yaradıcılıq-sonu olmayan, davamlı hərəkət halında olan canlıdır.
- İnsan kimdir?
- İnsan-dünyayla, özüylə çarpışan, bəzən razılaşan, bəzən razılaşmayan, dünyanın tarixin gedişatını dəyişən, yaranmışların alisidir.
Tural İsmayılov/Metbuat.az
