Metbuat.az da “1 daşla 9 quş” layihəsi davam edir.
Layihədə 9 fəlsəfi suala 1 cümləlik cavablar veriləcək.
Bu dəfə müsahibimiz tanınmış teleaparıcı Murad Həşimovdur.
***
- Niyə varsan?
- Valideynlərim belə istəyiblər. Tanrı da razılıq verib.
- Niyə yox olacaqsan?
- Bilmək olmaz. Hər gün yeni kəşflər olur. Bir də gördük ölümsüzlük mümkün oldu. Amma insanın arzuları bitdiyi anda yox olmağa məhkumdur.
- Niyə yazırsan?
- Unutmamaq üçün.
- Yaşamaq nədir?
- Sevdiyin insanlarla birlikdə olmaq fürsətidir.
- Ölüm nədir?
- Yaxın, əzizlərin öləndə ən dəhşətli əzab.. Özümdə isə hələ görməmişəm. Öləndə biləcəyəm.
- Ədalət nədir?
- Haqlının tərəfini tutmaq, haqsızı başa salmaq. Kimisə incitməmək.
- Azadlıq nədir?
- Qəfəsdən çıxıb, uçan quşun yaşadıqları.
- Yaradıcılıq nədir?
- Qabımızda olan.
- İnsan kimdir?
- "Kim" sualına cavab göstərilən yeganə canlı.
Tural İsmayılov/Metbuat.az
