"Valideynlərimə zamanında "bişey-mişey" yoxdu deyə..." - 1 daşla 9 quş

Metbuat.az da “1 daşla 9 quş” layihəsi davam edir.

Layihədə 9 fəlsəfi suala 1 cümləlik cavablar veriləcək.

Bu dəfə müsahibimiz jurnalist Pərviz Hüseyndir.

***

- Niyə varsan?

- Valideynlərimə zamanında "bişey-mişey" yoxdu deyə, hər dəfə sual verən fərdlər öz suallarına cavan tapsın deyə.

- Niyə yox olacaqsan?

- Son istifadə tarixim keçəcək, ona görə.


- Niyə yazırsan?

- İnsanlara pozitiv enerji ötürüb, qismən də yardım etmək üçün.


- Yaşamaq nədir?

- Yavaş-yavaş yaşlanmaq.


- Ölüm nədir?

- Ucsuz-bucaqsız düzənlikdə şokolad və şərabdan ibarət qidan bitəndən sonra yaşamaq üçün dostunun qarla örtülmüş cəsədindən yemək.

- Ədalət nədir?

- Ədalət sənin vicdanındır, əqidəndir. Əgər o düzgündürsə, deməli ədalətlisən.



- Azadlıq nədir?

- İnsanların heç vaxt tam çata bilmədiyi bir anlayış.

- Yaradıcılıq nədir?

- Vaxtını sərf etdiyin müddətcə sənə xoşbəxtliyin nirvanasını yaşadan fəaliyyətin.


- İnsan kimdir?

- Bəzən şəhvətə qapılan və səbr etməkdə çətinlik çəkən varlıq.


Tural İsmayılov/Metbuat.az


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU LAYİHƏNİN DİGƏR YAZILARI