Batumi limanından Azərbaycana yük daşımalarının həcmi açıqlanıb

Batumi limanından Azərbaycana yük daşımalarının həcmi açıqlanıb
22:22 7 Aprel 2019
Ölkə mətbuatı
A- A+

Bakı. Ləman Zeynalova - Trend:

2019-cu ilin yanvar-mart ayları ərzində Gürcüstanın Batumi limanı vasitəsi ilə Azərbaycana yük daşımalarının ümumi həcmi 85 738 ton təşkil edib. Bu barədə Trend-ə Batumi limanından bildiriblər.

Agentliyin nümayəndəsinin sözlərinə görə, həmin həcmin 62 691 tonu xam şəkərin üzərinə düşür.

"Bundan başqa 2019-cu il yanvar-mart ayları ərzində Azərbaycana Batumi limanı vasitəsi ilə 12 836 ton palma yağı, 6 603 ton soya və 3 608 ton qarğıdalı yağı gətirilib", - deyə mənbə bildirib.

Qeyd edək ki, 2018-ci ilin yekunlarına görə Batumi limanı vasitəsilə Azərbaycandan həyata keçirilən yük daşımalarının ümumi həcmi 26 119 ton təşkil edib. Bu həcmin 22 126 tonu sənaye yağı, 3 993 ton isə bentonitin payına düşür.

Batumi limanından Azərbaycana gətirilən malların ümumi həcmi isə 336 702 ton təşkil edir. Onlardan 183 315 ton xam şəkərin, 53 850 ton palma yağının, 62 887 ton soyanın, 20 512 ton relslərin, 12 809 ton qarğıdalı yağının, 3 322 ton laminatın üzərinə düşür.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/business/economy/3042838.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR