1989- 2000-ci illər arasında Kensinqton sarayında aşbazlıq etmiş Karolyn Robb şəhzadə Diananın şəxsi həyatına dair bilinməyən açıqlamalar edib.
Metbuat.az xarici mediaya istinadla bildirir ki, bir zamanlar Britaniya vəliəhdi şəhzadə Çarles ilə yaşadığı uğursuz evlilik ilə adını bütün dünyaya tanıdan şəhzadə Diana ölümündən 22 il keçməsinə baxmayaraq hələ də müzakirələrə səbəb olur.
Hazırda 53 yaşında olan sarayın keçmiş aşbazı Robb “Sunday Times” qəzetinə verdiyi reportajda milyonların heyranı olduğu şəhzadə Diana haqqında danışıb. O, şəhzadənin yemək bişirməkdə çox məharətli olduğunu deyərək mətbəx işçilərindən salat, sufle kimi sadə yeməklər istədiyini bildirib.
Belə ki, şəhzadə mətbəxdə işçilərə qabları yumağa kömək edər, ayaqqabılarını çıxarıb onlarla söhbət edərdi.
Kensington sarayında fəaliyyət göstərən ilk qadın aşbaz olan Karolyn Robb şəhzadə Çarles tərəfindən işə götürülmüşdü. 1981-ci ildə şəhzadə Çarles ilə evlənən Diananın ondan iki oğlan uşağı dünyayagəlib.
Amma həyat yoldaşının gənclik sevgilisi Kamilla Parker Bovlesi unutmaması üzündən olduqca çətin bir evlilikləri olub.
1996-cı ildə şəhzadə Çarlesdən boşanan Diana zəngin bir ailənin oğlu Dodi El Fayed ilə sevgi münasibəti yaşayır.
Parisdə jurnalistlərdən qaçmağa çalışan cütlük avtomobil qəzası keçirərək həyatlarını itirib.
Diana 1997-ci ildə həyatını itirdikdə sadəcə 36 yaşı var idi.
http://metbuat-az.com/news/1169663/qonsusunun-qizini-cinsi-istismar-eden-adama.html
