İspaniyada növbədənkənar parlament seçkilərində səsvermə başa çatıb.
Milli.Az Trend-ə istinadən xəbər verir ki, seçki məntəqələri yerli vaxtla saat 09:00-da açılıb və 20:00-a qədər işləyib.
İstisna Kanar adalarındakı səsvermə məntəqələridir, burada vaxt fərqinə görə, məntəqələr bir saatdan sonra bağlanıb.
Nəticələrə əsasən Deputatlar Konqresinin (aşağı palatanın) 350 üzvü, həmçinin 208 senator seçiləcəkdir.
Milli.Az
