Bir çox müasir texnologiyalarda (smartfonlar, daşınan qurğular və sairə) sürətli simsiz rabitə texnologiyasından istifadə edilir. Daha çox məlumat ötürülməsi həmin qurğuların məhsuldarlığı və imkanlarının artırılmasının məlum üsuludur.
Milli.Az ictnews.az-a istinadən bildirir ki, ABŞ-ın Delaver Universitetinin mühəndislərdən ibarət komandası yüksək hərəkətli elektronlardan ibarət tranzistor hazırlayıb.
Bu tip qurğular arasında yeni tranzistor bir sıra üstün xüsusiyyətlərə malikdir: rekord dərəcədə aşağı cərəyan itkisi, cərəyan gücləndirilməsinin rekord dərəcədə yüksək əmsalı və sairə.
Bu tranzistor yüksək buraxılış qabiliyyətli kommunikasiya sistemləri üçün faydalı olacaq: eyni cərəyan göstəricisi zamanı böyük gərginliyin öhdəsindən gələ bilər və daha az batareya enerjisi sərf edəcək.
Milli.Az