Norveç şahzadəsi Marta Luizanın keçmiş həyat yoldaşı, yazıçı Ari Ben 47 yaşında intihar edərək həyatına son qoyub.
Milli.Az qafqazinfo-ya istinadən xəbər verir ki, bu barədə "NRK" telekanalı mərhumun ailəsinə istinadən xəbər verib.
"Biz - Ari Benin ən yaxınları böyük hüznlə məcburuq bildirək ki, o, bu gün intihar edərək həyatına son qoyub. Biz gələcək müddətdə şəxsi həyatımıza hörmətlə yanaşmağı xahiş edirik", - telekompaniya yazıçının ailəsi tərəfindən verilən açıqlamanı sitat gətirir.
Qeyd edək ki, Ari Ben şahzadə Marta Luiza ilə 2002-ci ildə ailə həyatı qurmuş, 2016-cı ildə boşanmışdı. Cütlüyün üç qız övladı var.
Ben 1972-ci ildə Danimarkada anadan olub. O, yazıçılıq karyerası boyu oxucularına bir neçə roman və kiçik hekayələr toplusu təqdim edib.
Milli.Az
