“Huawei” gəlirlərini 18% artırıb

“Huawei” gəlirlərini 18% artırıb
12:22 31 Dekabr 2019
47 Digər
Ölkə mətbuatı
A- A+

Çinin “Huawei Technologies” şirkəti 2019-cu il üzrə gəlirlərini 18% artaraq 850 mlrd. yuan məbləğində qiymətləndirir.
“Report” bu barədə “Reuters” agentliyinə istinadən xəbər verir.
Şirkətin sədri Erik Xu Yeni illə bağlı mesajında bu rəqəmi açıqlayıb və bildirib ki, 2020-ci il çətin il olacaq: “Şirkətin bu ilin I yarısındakı kimi sürətli böyüməsi mümkün deyildi. 2019-cu ildə gəlir artımı 18% qiymətləndirilir, halbuki 2018-ci ildə artım 19,5% idi. Xarici mühit hər zamankından daha mürəkkəb olmağa başlayıb və qlobal iqtisadiyyata təzyiqlər intensivləşib. Uzunmüddətli perspektivdə ABŞ hökuməti aparıcı texnologiyanın inkişafını boğmağa davam edəcək. “Huawei” üçün çağırış mövcud olmaq və inkişaf etməkdir”.
O, həmçinin qeyd edib ki, “Huawei” bu il 240 mln. telefon satıb ki, bu da 2018-ci ildən 20% çoxdur.
Qeyd edək ki, mayın 15-də ABŞ prezidenti Donald Tramp ölkənin informasiya və rabitə infrastrukturunu xarici təhdidlərdən qorumaq üçün fövqəladə vəziyyət fərmanı imzalayıb. Fərmandan sonra mayın 17-dən “Huawei” milli təhlükəsizliyə təhlükə yaratdığı üçün qara siyahıya salınıb. ABŞ administrasiyası "Huawei"ni Çin hərb qurumları və kəşfiyyatı ilə əməkdaşlıqda və müştərilərin mümkün izlənilməsində ittiham edir. Şirkət isə iddiaların əsassız, siyasi motivli olduğunu və bazar rəqabəti prinsiplərini pozduğunu iddia edir.

Xəbərin orijinal ünvanı: https://report.az/maliyye/huawei-gelirlerini-18-artirib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR