İraqın hüquq-mühafizə orqanları İŞİD terror təşkilatının ali rütbəli üzvü olan Şəfa əl-Nimanı ələ keçirib.
Publika.az xəbər verir ki, bu barədə “Daily Mail” informasiya yayıb.
İŞİD liderinin saxlanması xəbərini maraqlı edən məqam isə onun Mosuldan gizləndiyi yerdən çıxarılaraq yük maşını ilə aparılmasıdır.
Belə ki, elm və din adamlarının edamına, məscidlərin bombalanmasına fətva verən Şəfa əl-Nima artıq çəkidən əziyyət çəkir.
O, edam qərarları ilə yanaşı, Yunus peyğəmbərin məzarının da yerləşdiyi bəzi mədəni xəzinələrin məhv edilməsində ittiham olunur.
