Təhsil naziri olimpiada qalibləri ilə görüşüb

Təhsil naziri olimpiada qalibləri ilə görüşüb
16:52 17 Yanvar 2020
54 Digər
Ölkə mətbuatı
A- A+

Təhsil naziri Ceyhun Bayramov Azərbaycanı yeniyetmələrin XVI Beynəlxalq Elm Olimpiadası və XVI Beynəlxalq Jautikov Olimpiadasında uğurla təmsil edən məktəblilərlə görüşüb.
"Report" xəbər verir ki, görüşdə C.Bayramov olimpiada qaliblərini qazandıqları uğur münasibətilə təbrik edərək bu uğurların davamlı olacağına əminliyini bildirib.
Təhsil naziri müasir dünyada təhsilin mühüm rolunu qeyd edib, həmçinin son illərdə məktəblilərimizin beynəlxalq səviyyədə qazandığı uğurları diqqətə çatdırıb.
Ölkədə təhsilin inkişafı istiqamətində həyata keçirilən tədbirlərdən danışan nazir məktəblilərə öz tövsiyələrini verib, onlara yeni-yeni nailiyyətlər arzulayıb.
Sonda olimpiada qaliblərinə hədiyyələr təqdim edilib və xatirə fotosu çəkdirilib.
Qeyd edək ki, Qazaxıstanın Almatı şəhərində keçirilən 16-cı Beynəlxalq Jautikov Olimpiadasında Azərbaycan məktəbliləri 1 qızıl, 3 gümüş və 4 bürünc medal olmaqla ümumilikdə 8 medal əldə ediblər.
Qətərin paytaxtı Dohada keçirilən Yeniyetmələrin XVI Beynəlxalq Elm Olimpiadasında isə məktəblilərimiz 4-ü gümüş, 2-si bürünc olmaqla ümumilikdə 6 medal qazanıblar.




Xəbərin orijinal ünvanı: https://report.az/elm-ve-tehsil/tehsil-naziri-olimpiada-qalibleri-ile-gorusub-17-01

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR