“Mədəniyyətlərin dialoqu xalqlarımıza yaxın dostluq münasibətlərini davam etdirməyə imkan yaradır”.
“Report” xəbər verir ki, bunu Rusiya Federasiya Şurasının Beynəlxalq məsələlər Komitəsinin sədri Konstantin Kosaçev “Bakı-Moskva: mədəniyyətlərin dialoqu” konfransı çərçivəsində Bakıda keçirilən “Mədəniyyətlər arasında dialoq xalqların dialoqu üçün təməldir” adlı "dəyirmi masa"da çıxışı zamanı bildirib.
“Bizə bir-birindən tamam fərqli tariximizin, fərqli mədəniyyətimizin, gələcəyimizin olmasına inandırmağa çalışırlar. Lakin prezidentlərimiz aramızda hər hansı ikili yozumlara yol vermirlər, bunda bəxtimiz gətirib. Birgə dəyərlərimizlə geosiyasi sarsıntılara tab gətirəcəyik”, - K.Kosaçev əlavə edib.
