Sahibkarlar üçün biznes tərəfdaşlığına dair təlim keçirilib

Sahibkarlar üçün biznes tərəfdaşlığına dair təlim keçirilib
18:27 26 Yanvar 2020
Ölkə mətbuatı
A- A+

Kiçik və Orta Biznesin İnkişafı Agentliyi (KOBİA) sahibkar və menecerlər üçün "Beynəlxalq ticarətdə bazar araşdırması və biznes tərəfdaşlığı" mövzusunda növbəti təlim təşkil edib.

Milli.Az bildirir ki, KOBİA-dan Trend-ə verilən məlumaat görə, tədbirin məqsədi sahibkarların, xüsusilə bu ilin fevral-mart aylarında Almaniya-Azərbaycan Birgə Proqramı çərçivəsində Almaniyanın Münhen şəhərində ixtisasartırma kursu və təcrübə keçəcək sahibkar və menecerlərin ixrac sahəsində məlumatlandırılmasıdır.

Təlimdə "My Broker" MMC-nin əməkdaşları sahibkarlara ixrac sahəsində əlaqələrin genişləndirilməsi, yeni satış bazarlarının tapılması, elektron ticarət, biznes tərəfdaşlığı barədə ətraflı məlumat verib, onları maraqlandıran sualları cavablandırıblar.

Beynəlxalq ticarət, bazar araşdırmaları və ixracla bağlı sahibkarların marağı və müraciətləri nəzərə alınaraq 2020-ci il ərzində KOBİA tərəfindən bu sahədə müxtəlif formatlı tədbirlərin keçirilməsi nəzərdə tutulur. Tədbirlər barədə ətraflı məlumatı KOBİA-nın internet saytındakı "Tədbirlər təqvimi" bölməsindən əldə etmək olar (http://smb.gov.az/events).

Milli.Az


Xəbərin orijinal ünvanı: https://news.milli.az/economy/820925.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR