Apasport.az xəbər verir ki, İtaliyada 2014-cü ilin ən yaxşı qapıçısı seçilən veteran oyunçu DÇ-2018-də iştirak etmək arzusundadır.İtaliya yığmasının və “Yuventus”un qapıçısı Canluici Buffon futbolçu kimi son arzusunu açıqlayıb
37 yaşlı qolkiper dünya futbol tarixinə düşmək niyyətindədir: “Dünya çempionatına hələ 3 il vaxt var. Özümü qoca hiss etmirəm, amma mən də futbolçuyam. Bu işi görmək üçün doğulmuşam.
Əgər 2018-ci ildəki mundiala yollansam, o zaman 6 dünya çempionatında iştirak etmiş ilk futbolçu olacam. Bu, möhtəşəm göstərici olar. Adrenalinə və gərgin oyuna öyrəşmişəm”.
Qeyd edək ki, Canluici Buffonun arzusu yerinə yetsə, o, 40 yaşında mundiala yollanmış olacaq.
Milli.Az
