Meksika OPEC və qeyri-OPEC ölkələrinin nazirlərinin videokonfrans formatında keçirilən görüşündə “OPEC+” üzrə neft hasilatının gündəlik 10 milyon barrel azaldılması barədə təklifinə müsbət yanaşmayıb.
“Report” xəbər verir ki, Meksikanın Energetika naziri Rosio Nale görüşün yekunları barədə özünün “Twitter” hesabında bunları yazıb:
“OPEK katibliyinin neft qiymətlərini sabitləşdirmək üçün apardığı danışıqlarda Meksika, qarşıdakı iki ay ərzində neftin gündəlik 100 min barel azaldılmasını təklif edib. 2020-ci ilin mart ayında bildirdiyimiz 1 781 milyon barel hasilatdan gündəlik 1 681 milyon barelə enəcəyik”.
Bundan əvvəl, xarici mətbuatda OPEC-in görüşünün Meksikanın prinsipial mövqeyinə görə yekunlaşmadığı barədə məlumat yayılmışdı.